كلمات الشاعرة
سعاد سعد
وانت بتمسك طرف الحلم الغامق
حاسب ح يكر
فى زمنا الأحلام كوابيس
تبت فى أمانك بسنانك
إيام ماسخة وح تمر
فتح عينك ع المشهد
خليك فى الصورة
مش فى الكواليس
لسه هتحكى
طب مين هيحاسب ع المشاريب
المشهد كله يبكى
مين هيلم معاك الشيب
الفرح فى عمرك تناتيش
والحلم أغبر وكانيش
شمسك ح تغيب ومالكش حبيب
إزاى بتبعتر أيامك زى الريش
لملم قلب الحلم الوردى
فى زمنا الزيف بقى كيف
إوعى تغرك ألوانها الطيف هدى
حلمك مسجون أعرج وكفيف
يلا حايلها وعدى
أيام وتعدي
كلمات الشاعرة
سعاد سعد
Soad Saad
Discussion about this post