كلمات الشاعرة …كريمة السيد

ما أروع لغة العيون أصدق لغات الكون

لغة بسيطة لا محتاجة تخطيط ولاخريطة

 تحرك مشاعر عميقة رقيقة قيدها ملل 

           السُكات وأنين السكون

آه منها لغة العيون آه بنظرة تمضي عقود

 مضمونها أقر أنا المُغرم إياه إني أحفظ

              العهد وللود أصون

 برمش عين الحوار يدور وتسافر سنين

  فى دقيقتين لا تعرف أنت مين ولا رايح

        فين مسلوب الإرادة ومسحور

تغرق فى بحر من الحنين والجفون شطين

 مغرم ولهان ياحرام مبهور مفتون بجمال

                كحل العيون

 ونظرة ساحرة جريئة تخدك بعيد عن دنيا

 الحقيقة وتعيش موهوم والبال مشغول

   وبكل سهولة تبوح بالسر المدفون

ونظرة رقيقة فى دقيقة تحتويك وتضمك 

 وتخفف عنك وتوصلك رسالة أنا بهواك

 وبتمنى رضاك يا توأم الروح ونور العيون

            ياقدري المحتوم

ونظرة حادة جادة خالية من الألفة والمودة

 تربك خطوتك وتكرهك فى دنيتك وتبات

     الليل مهموم من الأمان محروم

فى العين لسان ساحر البيان يقول كلام

      موزون معناه معلوم مفهوم

 فى بعض الأحيان ترجمته بسمة حنان

          تزيد الدنيا روعة وجمال 

و لكن أحيانا أخرى يترجم لمشاعر غريبة

 ومتداخلة لحزن وبؤس بتعاني من قسوته

 النفس والقلب قليل الحيلة والروح عليلة

          من شدة عذاب الظنون

…………. 

كلمات الشاعرة 

كريمة السيد