كلمات الشاعر …
محمد شافعى حسن
ناس كتير وحشوني جدا
نفسي في المنام يجوني
ناس ريحة قلوبها صافيه
بتحاوطني في كل سكة
بتحاوطني في ذكرياتي بتحاوطني لماازورهم وبتحاوطني لما في المنام جم َزاروني
وافتكرت حاجات كتيرة قعدة حلوة ويا ضحكة حتي دمعتهم كمان من الفرح لما شافوني
راحوا زي كتير ماراحوا في كتير جدا فاتوني
راحوا بس في الاماكن وفي القلوب الكل ساكن
روحت ازورهم اتقاجئت انهم مشيوا وسابوني
اه والف اه عليهم نفسي اشوفهم بس مرة
نفسي نتلاقي في منام او تشوفهم يوم عيوني
اما فوقت من المنام قد ايه حسيت بفرقه
فرقه الايد والمشاعر فرقة. القلب اللي حس قد ايه بغيابهم اذوني
افتكرت كمان نصايح في الحقيقة ماكنت واعي بس لما وعيت عرفت قد ايه كانوا ينصحوني
افتكرت ابويا وامي وافتكرت كتير صحاب فجاه راحوا
وسابوني
سنة الحياة نعيشها بس في الفراق بتصعب نفسي علي اللي سابوني
عيش حياتك بس افهم لازم يجي يوم تفارق زي ماقبلك فارقني وبالفراق كده حسسوني
افهم ان حياتنا زايلة لوتدوم لاهل كانت دامت للنبي صلوا عليه
حتي ده الملايكة زايلة حتي ملك الموت كمان
ربنا سبحانه قال في كتابه العزيز كمان كل من عليها فان
امانه لو زورتوني تاني بلاش من الحلم تفوقوني
كلمات الشاعر
محمد شافعى حسن
Mohamed Shafey
Discussion about this post