الســـــــــبوع

مـحـمـد حـكــم
******
شوفو الفرق مابين لتنين
واحد عمره يا دوب أسبوع
والتاني داخل ع السبعين
أنا ما قصدشي فرق السن
فرق العيشة والأيام
أيوه أنا عارف
كُل وقت وله ظروفه
واللي حاصل
ليا برضوا عنين با شوفه
بس بَاخرص
لَلكلام يوصل لصاحبه
قام يطلع لي كشوفه
واللي أشوفه
حاجه غير كُل الحاجات
…….
يا لا نرجع للي فات
واللي أتولد ف الحُسومات
حظه كه
لا اعتراض ولا أسقطات
رحت أنا أحضــــر ســبوعه
سبعوا لمولودنا يا لا
هيا صـــولوا
وزغـــرطولوا يا بنات
فين بريقــــــــــه
شمعوا فين ما تولعـــوه
فين ساعة جده اللي بتُبرق
فين المنديـل
وحبوبه السبعة و مُغاته
والبيضة المسلوقة من أمبارح
طب فين الهون فين والغُربال
ما نضرتش وأنا جاي دبايح
على إيه الملح دا بترشوه
ع الجاي يهني وع الرايح
يا لًا بســم اِلًه ..هاتـــوه
دا بسلامته
حته متاخده من أبوه
فين أبوه…..أندهـــــوه
مستخبي ليحســــدوه !
جه أبــــوه
كان متداري وواقف جارنا
ما هو تايه في اللي بيجرى لنا
أتكلم … وياريت ما أتكلم
قال جاتنا كرونا وأهي غارت
ربنا سلم
من بعدها روسيا وأوكرانيا
الجنيه بيعوم وأحنا
عما نغرق كُل ثنية
كُله بيتاجر في كُله
و الغلا ســــكينه حاميه
فوق رقابنا
طرحة البيض قال بعشرة وفوقها ميه
لأ وكيلو اللحمه قالوا بتلتميه
أما ساعة جدو سرقوها زمان
لما خدناه لسبتا ليا
هو لازم يعني هـــون
ينفعشي مطحن كهربا
دا اللي عندنا في الجهاز
دا أحنا دخنا ع البريق
ملقتشي غير دورق قــــــزاز
أما الرز بعتنا نجيبه
لاقينــاه بس على التموين
والحُر البقــــال دساه
وان باع الكيلو بتلاتين
العيال فين اللي جبنا الشمع ليهم ؟!
كُل واحد ملهي في موبايله وسايبنا
هوه فيه غير الفلاشه وحلاقاتك برجلاتك
ليه بتندوني
ماتســـــبوني
أيوه كُنت مستخبي لأن يعلم ربنــــا
باللي حاصل
واللي جاي بكره مش بعد سنه
صـــقفولوا هيا صــــولوا
زغـــــرطوا
وابعتــــــــولوا كلمتين
يالي هِنــــــا
قولوله شا يف
الســـــبوع بقى محزنه
**********
محمد حكم
30/4/2023م