خلاص راجع …
كلمات الشاعرة … أمل جبر
وبعد الغيبه والغربه خلاص راجع
وشايل شنطه مليانه
وأيه ناقص أوام راجع
هدايا لكل أحبابك
بيستنوك أوام ترجع ويتلمو على بابك
بقالي كتير مشفتش حد….ميعرفوناش
ولو بسؤال علينا حتى في غيابك
خلاص راجع……..جايبلي أنا أيه
أنا مش حطلب الغالي
أنا مش عايزا غير حقي حبيبي وبس
حاجات يمكن مفيش شنطه تقضيها
حاجات تتحس
أنا عايزا تجبلي معاك
بدل خوفي ….بدل قلقي
بدل همي ألي غرقني
بدل عمري ألي كان لازم أعيشه معاك
وعدا العمر وسرقني
بدل للوحده الي قتلاني وكسراني
ولو نفسي فيوم افرح
دموع عيني بتسبقني
أنا عايزا دوا لروحي ولجروحي
عشان أنا كنت في الغربه
مش أنت حبيبي صدقني
خلاص راجع.
يا مالي القلب بمواجع
لكن من حقي أني اشكي
وأني أرفض وأتكلم
وأقول الحمل ذاد عني
ومش قادره أنا أكمل
سامحني إن كنت بتكلم
يفضفض قلبي مش خايف
لكن عارف…….
أنا فرحانه برجوعك
لكن بحزن على العمر الي راح مني ومش راجع
كلمات الشاعرة
أمل جبر
Discussion about this post