كلمات الشاعر … جمعه الجر..

طبعك ولا هتشتريه.. 

غريبه عايزه تعرفى.

أنا سبت اديكى ليه…

لما الاقيكى بتتغيرى..

وتقسى ع اللى حبيتيه…

وأما يسأل وانتى قاصده تهمليه…

أما ينسى القسوه منك ويأمنلك..

وبعند قلبك انتى تانى تفكريه…

وأما يحتاجك ف جرحه..

تمدى ايدك وتداويه…

انتى إيه…

ألف وش ف ثانيه واحده..

تلبسيه وتقلعيه…

توعدينى الف وعد..

وبألف كدبه تخلفيه…

قلبى لعبه بين اديكى.

ولا دور بتمثليه…

ولا فاكره بحبى ليكى.

قلبى يوم هتعذبيه…

فوقى من وهمك ياعمرى.

انا حبى ليكى حلم..

تعيشى الف عمر وعمر..

تستنى لحظه تحققيه…

خلاص نويت اسيبك.

وأبعد وأنا الفرحان.

وبأى سعر ابيعك..

وكمان هكون كسبان.

طلع النهار..

واتبدلت كل الحاجات..

لون الوشوش..

حتى الملامح..

نطق السكات..

نزل الستار..

بانت قسوتك والجحود..

والبرود م الأصل فيكى..

طبعك ولا هتشتريه…

خلاصة الكلام..

أنا هبنى بينى وبينك انتى ألف سد..

وحد الله مابينى وبين هواكى..

ألف حد وحد..

ويحرم عليكى..

شوقى ليكى..

وعشق القمر..

وكتابة الشعر لعنيكى.

فى ليل السهر والود..

بكره تتمنى العمر تانى..

فى القرب منى ترجعيه…

كلمات

الشاعر جمعه الجر