كلمات الشاعر
صابر عبدالوهاب
يا صوت الناى
بقيت نساى
و تنسا ازاى
حيطان دارنا
و دورنا
و قاعدة في وسط تكعيبة
و براد شاى علي المنجل
و ضحكة قلب بتجلجل
و حبة من حكاوى زمان
عن الحب و عن الطيبة
ما تسمع مننا عيبه
ولا كانت تيجي سيرة حد
الا بخير
ومن ده كتير
يا صوت الناى
يا شوك و حرير
قبلنا كتير
فارقنا كتير
ولسه قلبنا بيحن
للمة و للمشاوير
لضحكة تجلجل القاعدة
لمسكتنا علي الواحدة
رمتنا اللمه ع الوحدة
وسابت قلبنا مشتاق
لا عملنا حساب نكبر
ولا حتي حساب لفراق
يا صوت الناي
يا لحن حزين
يا ريتها وقفت يا سنين
و سبتينا كدة عايشين
في لمتنا
لا عدى الموت علي دارنا
ولا خطفتنا سكتنا
كلمات الشاعر
صابر عبدالوهاب
. Saber Abd Elwahap
Discussion about this post