فى إنتظارك …

بقلم الشاعرة … عبير الحناوى

فى انتظارك
فات عيدين واتين ولسه
قلبى قاعد فى انتظارك
كان قرارك
الفراق والهجر والحرمان ساعتها كان قرارك
كنت فاكر انى هاقدر
بعد منك يوم اعيش
ايوه باتنفس ولكن الحياة من بعدك انت ماتساويش
فيها ايه لو كنت جنبى وكنت جارك
فى انتظارك
ليه بتقسى على اللى منك
لو فى مرة اشتاق لحضنك
برضه بتكابر لكنك
بالعناد هايزيد مرارك
وانتظارك
عشقنا ياحبيبى ناره فى القلوب كان احلى جنه
جنه مفروشه بحنان
بالريحان والتمرحنه
كنت باشتقاقلك يادوب
ألقى طيفك راح مكاننا
فين غزلنا وهمسنا ولهفة قلوبنا حتى حسادك بتسأل
ايه قرارك
فى انتظارك تيجى كالعادة تقولى انت عيدى
وانت شمس الكون ودمي اللى فى وريدي
واما أصب الشوق فى كاسك قوللي زيدى
يومها ترجع روحى ليا
لما اشوفك نور فى دارك
فى انتظارك

بقلم الشاعرة عبير الحناوى
29/4/2023