شعر شعبي … حكمة الإنسان

شعر : بلقاسم بن سعيد

إنعيش.. و قت الناسه مزطوله
أو لا تعرف رحمه أو لحسان
و الباهى أخلاقه مغلوله
أو ما عنده في الدنيا شان
أو لا كلمه في إمثيل إسبوله
ترتح ملهم التعبان
أو لا إفنون تفرهد معسوله
أو لا قيمه عند الفنان
مااا.. عاد إسيوف المسلوله
أو ماااا..عادش فيها فرسان
الحكمه إللي صارت مجهوله
أو ماعادش يحكيها إلسان
نصنعها بجهدي بسهوله
باش تنفع في كل إمكان
بلا صروف آش تسوى البسكوله
بلا صروف آش يسوى الميزان
بلا أخلاق كريمه معدوله
قوللي.. آش يسوى الإنسان
بلا سواعد تبني مفتوله
كيفاش إيتم البنيان
بلقاسم… تربية إفحوله
حامل .. كي الواد المليان
سعيدي .. و خلاقه مقبوله
عند أصحابه و الجيران …

شعر: بلقاسم بن سعيد
مدينة سوسه – تونس