كلمات الشاعرة

 كريمة السيد

يامسافر برة الأيام خدني معاك

يمكن ألاقي الراحة في عيون

بريئة لماحة وحبة سعادة بزيادة

مستنيني هناك

وأصادف عمر جديد وحلم وليد

يتحقق في ليلة عيد من غير

تلميح بتجريح أو تهديد من كائن

جبار غدار عنيد

وأشوف الشمس الحقيقية بنور ربها

متحنية والقمر بليلة سمر بيداعب

جفوني بضحكاية شقية متعطرة

بشذى زهرة ندية

وأعاشر ناس غير الناس يصونوا

العهد ويراعوا الود والإحساس بكل

تفاني وإخلاص

وأرسم صورة بالألوان حدودها

أمان وسلام وخطوطها واضحة

ومتصالحة وتفاصيلها تفسر حلم

كان ومازال جوة الوجدان

يامسافر برة الأيام إياك تنساني

وحياتك متكنش أناني وتسبني

هنا وحداني أيام وليالي أئن

وأعاني

…………………………..

كلمات الشاعرة

كريمة السيد