كُنت صغيرَه

…….

بقلم …..جهاد المثناني

كُنت صغِيرَهْ وْكانْ زْمَانْ

فَـرفَطُّـو.. يَعشَقْ بُسْتَانْ

مِنْ وَردَهْ.. لْزَهْرِةْ قَحْوَان

نْحُطّ عْلَى كَـفُّو ونْـطِـيرْ

رِيـشَـهْ وْعَـاشِـقْهَا فَـنَّـانْ

كُنْت صْغِيرَهْ وكَانْ صْغِـير

يْحُطْ إيدُو فْـ يدِي ويْسِير

ويْـقُول لِي يَا طُـفْلَـة نْـغِير

مِنْ قَهْوَةْ فَاحِتْ فِي يِدِّكْ

شْفَايِـف غَـازِلْـهَا الـفِنْجَانْ

كَـانْ يْـوَشْوَشْلِي غُـنَّايَـهْ

يْـذَوّبْـني ويْذُوبْ مْـعَايَا

يَـزْرَعْ لِي نِجْمَـهْ فِي سْمَايَا

تْـضَوِّي مَا أحْلَاهَا فِي اللِّيلْ

قَـدَّاااشْ بْـحُبِّـي فَـرحَانْ

زَعْـمَه تَرجَـعْ الأيّامَاتْ

يِـتْذكِّـر بَـرشَا حْكَـايَات

بِِـالسِّرقَه.. بَـرشَا بُوسَات

زَعْـمَه يِتْـذكِّر ويـقُـلِّي

مْـحَبِّـتْنَـا ضِد النّـسْيَانْ

بقلم …..جهاد المثناني