توتة توتة …

توته توته

بقلم … فتحي غربية

..أنا حبيبي هكون وياك

مهما تروح انا خلف خطاك

اسمع صوتك احس بروحك

لو تناديني ما اقصر يوم

تمشي لحد البحر هجيلك

لو بصيت في الصحرة تشوفني

كل النجوم السما اصحابي

لو يوم مره تزور القمر

هتلاقي كل احبابي معايا

ديما كل كلامك ليه

صيغته غالية ومن تقديرك

انس أن في يوم هنساك

او مره ما هكون وياك

روحي ديما تابعه ليك

يا ال جميع الكون يعرفنا

من يوم ما كنا جنبك بالدكه

كانت الأبله سميره تبعدنا

ولما تخرج نرجع تاني

كنا بنرسم بكراسة واحده

الموضوع ديما كان واحد

لاني معك بنفس الفصل

فاكر لما جيت ويايا

امي قلت لك بات هنا معانا

رديت قلت ماما ما تعرفش

كان يوم حلو يا محلاه

نزلنا حديقة بيتنا نلعب

ويا القط بيسو وكلبنا مرجان

كنا نجري يجروا معانا

نجلس حتى كمان ويانا

نجري نلف حول الشجره

وال يهبط .. يوقع علي الارض

كانت شجرة العنب طارحه

عنب ابيض شكله جميل

نقطف عنقود نتسلى عليه

امسك حبة واكل نصها

وانت تاكل النص التاني

يااااة كانت ايام حلوة جميله

بس ياخساره ابويا نقلوا عمله بعيد

رحنا معاه وبعدنا كتير

لكن ايام العطله بنرجع

نفس الايام دي نفس اقضيها

نفسي ارجع طفله صغيره

امي تعمل ليه ضفيره

او قرنين حلوين بالتوكه

ارسم والوان في الكراسه

وانت تقول رسم جميل

ديما عمري ما نسى المرجيحه

والزحليقة ونط الحبل

يااان علي القطه بيسوا

ولا الكلب الغالي مرجان

كلها ايام ما بننساها

يلا خلاص انا رائحه انام

وانت كمان خذ بالك من نفسك

لان الفار بيلف عليك

انا وصيته يقرض ودنك

علشان انت ما بتسمع الكلام

وتوته توته خلصت الحدوته

بقلم فتحي غربية