مسلسل بين السما والأرض للنجم هانى سلامة بعيد كل البعد عن التقليد

الحلقة الأولى مبتعدة كل البعد عن التقليد والنقل والقص واللصق من الفيلم.. فقط هناك تناص في الشخصيات والفكرة والخط الدرامي للسيناريو الأصلي لاستاذنا نجيب محفوظ.. لكن مختلفة بما يناسب مسلسل وهذا يحسب للسيناريست والمسلسل وليس ضده.. الحلقة الأولى فيها حاجة مبشرة بخير وخاصة اغنية التتر وكلماته واخراج محمد جمال العدل الفنانين كلهم ممتازين ومحمد ثروت في حتته لوحده واللي بارع فيها زي ما عبد المنعم ابراهيم ما كان بيلعب في حتته لوحده.. محمود البزاوي رائع وجميل انه ابتعد عن كون البواب نوبي او سوداني.. كفاية تنمر.. زمان كان بيبقي مفهوم وقت ما كانش فيه عنصرية زي دلوقتي.. وده برضه يحسب للعمل.. هاني سلامة وأحمد بدير وسوسن بدر ودرة ومحمد لطفي وباقي الكرو الحلقة الأولى مبشرة.. نحن امام سيناريو مختلف مفيهوش نحت وقص ولصق ومحاولة جيدة ومختلفة عن الفيلم العظيم لعمنا صلاح ابو سيف “بين السما والأرض”.