بقلم دكتور … نبيل بكر
اسمع يا خال
الحال بقى غير الحال
ناس عايشه
وناس بتموت
عمال على بطال
ناس تقول
الأخره قربت
وناس بتسأل
إمتى امال
وناس تيهين
في الدنيا
وناس شيلين
هم المال
وناس
مصلحتهم أبدى
وناس
تخطف عيال
الحال بقى غير الحال
حتى
من غير سؤال
مسير الحال يتغير
والأشيا تبقى عال
أنت
بتحلم يا خال
عايش فى الخيال
و الحال
بقى غير الحال
عمر الدنيا
ما تحلى
لازم تفضل وحله
والأصل فيها رحله
غنيها على الموال
يا عم
فيه ناس بتقول
يارب
وناس تاهت فى
الزحمه
وناس ماتت قلوبها
وناس نسيوا
الرحمه
وناس الشبع
وجعها
وناس مش
لقيا لقمه
والحال بقى غير
الحال
طاب قولى ايه
العمل
فيه ناس ركبا جمل
وناس من غير عمل
وناس
بتلف وتدور
وناس
وقفه مطرحه
وناس
عطشانين
وناس
مش لقيا هدمه
وناس
ظلموا ناس
وناس
ملهاش أساس
وناس
بتحب البوس
وناس
في إيدها موس
وناس
عيشه في كابوس
وناس
جواها أمل
وتقولى إيه العمل
وتغني على الموال
ناس
عقولها خربانه
فكرين العبره بالزمن
وناس
كفروا بربهم
وناس مافي زيهم
وناس
لبسوا الحرير
وناس قلبهم كبير
وناس دكاترت بق
وناس أكلت الحق
وناس
سكتوا غلب
وناس
ملهاش صاحب
وناس
تقول حرام
وناس
عايشه الغرام
وناس
مش ناس
وناس
جواها ناس
وناس
عشرتها ماس
وناس
تحفر بالفاس
وانت تقولى لسه
فيه أمل…
بقلم دكتور … نبيل بكر
Discussion about this post