يعنى إية عيدك ياأمى …

بقلم الشاعرة  رانيا يوسف …

يعني إيه عيدِك يا أمّي؟!

وانتِ جوّا حياتي عيد!!

دا انتِ دمِّك هوّ دمّي…

حُبّ وااااصل للوريد.

حُب من يوم ما قالوا لك..

البشارة بانتظاري

وانتِ تحتملي عشاني

الوهن تسعة ويزيد..

تستعدي لي بخيالِك..

قبل ما تشوفني عينيكِ

شالني قلبك.. ضمتيني..

لما ناولوني لإيديكي

من حنانك.. من ودادك

شبعيني.. وطمنيني!!

كل ما بكبر لي سنتي..

تحمدي الله يصون…

بالمعاوذ والآيات…

ترقي كل شبر فيَّ

تدعي الله يكون لي حارس..

من عيونِ الناسِ لِيَّ

فرحِتِك كل امّا بنجح…

كل مرة بلون جديد!!

دعوتِك ليّ امّا ليَّ امّا ببعد

درع أصلَب مِ الحديد.

إنتِ عيدي.. وانتِ سِرِّي..

وانتِ توفيقي الأكيد!!

يعني إيه عيدِك يا أمّي؟!

وانتِ جوَّا القلب عيد!!

بقلم الشاعرة رانيــا يوسف