هيا ننقذو تونس ..

بقلم الشاعرة …. منى بابوري

هيا ننقذو تونس ..
م الوجيعة شبعنا
و ما عاد حديث ينفعنا
كل واحد مسكر على روحو
و حياتنا مبقالهاش معنى

قوم اي قوم و يزي م النوم
ايدي في ايدك ننقذوا المحروم
انا شوي و انت شوي
و مش وقت عتاب و لا لوم

عنا عزاز علينا قاعدة تموت
ناس روحها فينا و يناديو بالصوت
شكون ما يحبش يعيش
ويصرخ بصوته المكبوت

وحدي منجمش اما معاك نجم
صوت واحد ما يتكلمش
لكن و انت معاي نقدم و ما نسلم
هات ايدك افرح و ما تخممش

تونس عزيزة علينا و شعبها غالي زادا
عمرها الناس ما تحس بينا
كان نقعدوا بعاد على بعضنا كالعادة
هات ايدك و قلبك احنا رانا اخوات
و جابتنا تونس الولادة

بقلم الشاعرة …. منى بابوري