بقلم الشاعرة …. سامية البابا
**********
حالـة قلـق ،،،
والنوم من العين اتسرق
قلب في البعد ،،، اتحرق
الكل عايـش ،،،، مفترق
ما بين الواقع ، والخيال
حب ،،، و عشق
احيانا ، تبقى من المحال
مش كل اللي تراه حقيقة
ولا كل ضحكة ، تبقى بريئة
في ناس مخادعة ،،،
وبالخداع ، تبقى جريئة
ناس توهمك ، وتلجمك
وتقولك ان دي الحقيقة
***
ياااا نااااس ،،،
مش كل اللي يلمع ذهب
و لازم نرضى اللي انكتب
ربك اختار لك طريق
مش هتغيره بالتزويق
وكلام فلاسفة، وحب عميق
***
يا بنتِ ،،،
ربك اختار لك قدر ،،،
إرضِ بيــه
عصفور باليد ولا عشرة عالشجر
مش كل وجه جمييل يبقى بشر
في ناس تداريها اقنعة شَرْ
حافظي على نفسك من كيد أشر
مش كل ذهب ، أصفر
ولا كل إنسان قلبه بالإيمان اتعمر
***
يا ابني رَوٌق ،،،
ما تصدقش كلام متزوق
آخر الكلام ، حب و غرام
بلاش تتوه وسط الزُِحام
ناس تبهرك و ناس تقهرك
الحب ، حقيقة تفرحك وتنورك
مش وهم بعيد ، ، ، يدمرك
حِب البنيٌة القوية العصيٌة
مش حب نت ، ولا أسماء وهمية
بلحظة واحدة ، تغيب الصبيٌة
تدور عليها ،،، ههههه
تلاقيها عجوز فوق المية (100)
بعد ما حطت صورة صبية
وأوهمتك أنها بنار الحب مكوية
وإن بعدك له صرخة مدويٌة
اصحَ يا ابني
بقلم الشاعرة …. سامية البابا
اصحَ يا … ابني
Discussion about this post