مـــــلام …

كلمات الشاعر … رأفت عبد العال

ابتديت اسمع ملام
بعد ما كان الكلام
لما بقوله يريحك
دلوقتي قولتي
ابعد خلاص… او
اسمعك مني كلام
يتعب عنيك ويجرحك
بس الحقيقة ياما
اتبعتي سكتي
وكان كلامي غنوتك
ياما سكاتي حيريك
انتي اللي عايشه دنيتك
لما انتي غابت بسمتك
وضرب على عينيك غيام
ودعتي حتي خطوتك
كان صبحنا حب جديد
كان ضحكنا افراح وعيد
من غير ما انطق أي كلمة
تحضنك عيني من بعيد
واخد نهارك دنيتي
دلوقتي قولتي الكلمة نار
حرقت معها غنوتي
بس الحقيقة انا بحترم فيك النضال
الجبهة هي جبهتك
والقبلة دائمًا قبلتك
عرفاني ممكن استاكين
عرفاني ممكن أبعدك
كل اللي بيننا اكيد يقين
وجدوره هي زرعتك
وامام رغباتك ….
اكيد انا مستكين
بعلن رايات السلم
واحلف ع اليقين
إني في يوم ما أجرحك
واحلف يمين إني في يوم ما ابعدك
لما تحني للوفا ….
او تعرفي معنى البرودة والدفا
هتدخلي تاني المدار
وتفكي بإيديكي الحصار
وتدوري على سكتي
ولحد ما يحصل اكيد
أنا مستكين رغم اليقين
أنا بتبعك……أنا بتبعك

كلمات الشاعر
رأفت عبد العال