السعادة مش فلوس …

كلمات الشاعرالغنائى … طه علي الدين

السعادة مش فلوس
و لاهى عِز و فخفخينا
السعادة طِيب نفوس
السعادة مِنا فينا
لا يوم سمعنا الفرح
بيتشرى بالمال
و لا حد قال المال
منع الأحزان تجينا
يكفينا نبقا رجال
و العزة أصل فينا
لا مشينا مرة شمال
و لا حد كاسر عينينا
و لا كنا يوم أندال
بنحابى ع اللى يحابينا
و نحب الخير للناس
و اللى إداهم يدينا
و جوفنا ما يخشه حرام
و لو هو اللى هيحينا
و مش عيب الفقر يا خال
طالما بالعفة غانينا

كلمات
الشاعرالغنائى طه علي الدين