…..أنا كنت وكان …..

كلمات الشاعر    أحمد مجدى

…..أنا كنت وكان…….

أنا كنت وكنت وكنت وكان

كان ليه أهل وعزوه زمان

الكل خاني وتركوني

حتي الدم عليهم هان

أولادي إللي كانوا .ليا

أيام ما كانوا في إيديا قلبوا يا دنيا ……عليا

وسابوني والدمع في عيوني سهران

زرعت في أرض مش أرضي

وقولت يا نفسي بيها إرضي

ماصنتش العشره ولا عرضي

آسف يا نفسي. والله ياخويا ندمان

روحت أدور في الحاضر

وقولت يا دنيا إعمليلي خاطر

لقيت حبيب من الماضي في الحب يا إخواتي شاطر

ساكني في حضنه وقلبه كمان

شكيت له حالي من غيره

وليه طفي أناديله

مسحلي دموعي في مناديله

ضميته في حضني وقولتله عطشان

قولت إرويني واشرب

أسكني كمان …..قرب

من حبي وعشقي يا واد جرب

وكفايا بقي حرمان

وبقي ليا وطن ودار

بعد أهات …..ومرار

لف الزمان ……ودار

والله لأقدم له عمري وروحي قربان

كلمات الشاعر

احمد مجدي