خلينا اصحاب …

كلمات الشاعر … وائل رشوان

في ظروف
البُعد اللي مابينا
وواقعنا اللي بيفرض لينا
ف وجع لغياب
بينادي علينا بكل يقين
انتوا مفارقين // فـ قفلت الباب
مليون إثبات بيقول لينا
وماحناش حاسين إننا أغراب
..
خلينا اصحاب
و بأي دليل
القلب ف حبك بيا يميل
وانا قافل قلبي على زماني
طول عمري وقلبي انا بيعاني
ولا عمره فـ مره لواحده يميل
انا عمري
ما واحده ف يوم شافت قلبي إلا وهربت
كات لما تبوح
تلقاني ك اللوح
بردود ك بارود
علي هذا البوح
طلق وخرطوش
تخرص تسكت
كات لما تحاول واحده ف يوم تفتح قلبي
تلقاه حجرات وف اخر اركان الزاويه
تلقاها ظلمات و النور مقطوع
وأهات بصريخ و سكوت مسموع
كانت تهرب
اشمعنا بشوفك بـ أتكهرب !!
اشمعنا سعادتك وسيادتك نورتي
الحجره بتشريفك
انا كنت بعيشني ف طول وقتي
دلوقت بعيش وياكي طيفك
ف كتبتك كُل ف كلماتي
الواقع دايمآ ف الأتي
بيغير سير مجري حياتي
ودا مش تخريف
ده بس يدوب حبة تحريف
لـ حروف كلمات
بتغير ف واقعنا الهزلي
فـ تهد كيانا ومشاعرنا
لحاجات بتمُوت وحاجات تحيا من غير ما تعيش
ف بلاش تلطيش وسيبينا اصحاب
وبناقص نرمي لبعض عتاب
نتكلم عادي ف اي حوار
نضحك ف هزار
م حناش اغراب
خلينا فـ القصه اتنين عادي
خلينا اصحاب ✋

كلمات الشاعر
وائل رشوان