وقفت النٌخله ما طاحت …

بقلم … صلاح لافي/ تونس.
…………………
في بالي الدٌقله مازالت
بلحه في عراجين نخلها
الغابه ما اكرمها طاب بسرها يا مابنٌه
وهاهو زاد لحق رطبها والدٌقله ماحضر ثمرها
تستنٌى العالي مولاها ينزٌل بركه في منظرها
وفي لمعتها وفي طعمتها
وناس الخير اللٌي تعبو كثير كيف الغير
يرجو الخير من ثمرتها
شهور استنٌو ويا ما صبرو
تعب على سقايه على باش
وبرشا لهوه ومصاريف ما توفاش
وكي يبيع الفلاٌح الصٌابه يسوموه بسوم
أبخس منٌو ما ثمٌاش
وكيف يمشي الشٌاري للسٌوق
يبقى باهت في الأسعار
…………………
يا ناكرين الجميل والنٌعمه
ويا واكلين عرق عزٌ النٌاس
آش كون ما زال يغرس نخله
ومنهو م الحفره يطلٌعها
ومنهو ما زال يذكٌرها
ويحجٌم جريدها ويكرمها
وزعمه آشكون يلهى بيها
النٌخله الكريمه الوافيه كيلتها
أجيال ورا أجيال عاشت من خيرها وثمرتها
ما يهابو خطر عرب همٌه
لا يحسٌو بالشهيلي وحرٌه
في قلب الصٌحاري يعانو السٌقا وقت الشٌدٌه
ونساو الرٌخا وتعلٌقو بالنٌخله
وغرسو الأراضي الشٌاسعه
وما زالو شادٌين الباس
ويوفٌرو خيرات للبلاد
ويدوٌرو الدٌولاب ويخدٌمو العباد
………………….
جميع أنواع النٌخل أبطالنا غرسوها
عمٌرو الصحاري ولا يوم خمٌموا يفارقوها
ولا العشره خانوها ولا النٌخله هانوها
وفي عزٌ الشٌهيلي بالعرق سقوها
يزٌيهم م الغصره لا تخلٌوهم في حسره
وشجٌعو الفلاُح راهو الخير في فلاحتنا
…………………
نا قلت الدٌقله ما زالت مرٌه في عراجين نخلها
تسبٌح للمولى يحميها صافيه نيٌتها
توصل سالمه لواكلها ومرضٌيه صاحبها
راضي فوق الرٌضا شاكر كريم العطا
على ما اعطاه ومخلوف شقاه
وخيرات الغابه عامٌه بركتها
وهاي سامقه نخلتنا
في وسط الصٌحاري شامخه غابتنا
ويسلٌم سواعد أهلنا وخيوتنا
بفضلهم ديما عامره صحرتنا

بقلم صلاح لافي/ تونس.