رعـشـه روح …

كلمات الشاعرة … هيومة حمزة
………
ولسّاني بقول الآه وأنا وحدي
قاسيت ياما
وشفت كتير
نهار من نار
وليل من ويل
طريقي ضاق علي عمري
لا قادرة يو م أكمل فيه
ولا قادر يوصلني
ومش قادرة علي المشوار
وحملي زاد فوق صبري
ولا شايفه لي بر نجاه …ولا بغرق
نفق مسدود جوه الروح
لا بيعديني ولا سامح بأني أروح
وأنًت روحي مالها بديل
عاشقه للعذاب والويل
صاحبت دموعى وداريتها
وخفت عليها تهجرني
فصبيت منها أشرب كاس
بدون إحساس
زرعت من الوجع ..فدان
وخبيت في السنين أحزان
لتطرح يوم وتألمني
فقلت أسند علي قلبي
خاني وحب .!!
جريت أحضن دفي روحي
هجرتني….
وسابتني أقاسي البرد !!
ونبض سريع بيجلدني
بسوط من وجع وأنين..
ورعشه روح بتصرخ أد إيه ظالمين
ده كان النبض بيعافر
رغم مرارة (بالشرايين)
ودمع العين ملا بحرين
وملحه بيطرف الجفنين
وقسمه ظلم مالها مثيل
وغصه عمر شايله كتير
ورغم ده كله .. . وبعافر
مازال جوايا شئ ….. غافر
وبسمه روحي بتحاول تبان للنور
وبتداري وراها…من الوجع
قناطير .!!!

كلمات الشاعرة
هيومة حمزة