كلمات الشاعرة …. چيهان النجار
=============
مع اني قاطعة تذكرة
معرفشي ليه افضل ورا
وسط المفيش
استني نظرة حنينة
أو حتى صورة بدون ملامح ف الآفيش
حتي الكراسي مكسرة
وسألت عن أحلام….. ماليش
الزحمة جوة الروح قلق
علي رجل واحدة
شايلة جيش
خيط النهار عمال يرقع ف الأسي
والعتمة واصلة لكل أنحاء الهوا
بقت الحقيقة هلوسة
خايفة المحطة تتنسى
والسكة شغلاني
ياقطر
سبت السكة ليه
ووقفت ليه بدري
كل اللي جاي هيحصلك
ياعم قوم اجري
لم الطريق من رحلتك
لا ميلادي ولا هجري
عمرك مهوش تبع الزمن
ولا عمره كان ايام
العمر ياقطر الزمن
تعريفة المشوار
والروح عليه اجري
كلمات الشاعرة
چيهان النجار
Discussion about this post