لما عزيزه حبت يونس

لما عزيزه حبت يونس

كلمات الشاعر مصطفي البحر

لما عزيزه حبت يونس

كانت عارفه انها حتموت؟؟؟
ولما المركب حدفت يونس
كانت عارفه بأمر الحوت ؟؟؟
يا مولانا الزناتي
بعشق فيها يوماتي
واعمل سقا ونياتي
جوايا مغنواتي.
ع البحر يفوت ليلاتي.
بيغني لكل موجه .
رايحه او حتى جايه….
اركب حصان الهلالي
واعصب كمان عنيا….
ياحببتي ولا زيك حد.
ولا حد كمان يشبه روحك
وانا عشقي براح يفوق الحد
وريقي ترياق يشفي جروحك.
والبحر في عشقه مالوش تفسير
والسر ف بير.
والنيه بريئه من التأويل.
ع الشط انا واقف مستني.
والعشق بيسحب مني الروح
ياحمام زغاليل.
الصبر جميل.
وكمان مكسوف.
وبشوق ملهوف .
احضن في الصوره وف البرواز.
واكتب في حجات
مش عارف جايه منين وازاي
انا قلبي عمره ماكان نساي
والناس في الشارع تقابلني.
وبتسألني .
مين الساكن .جوه عنيك
باتت جواك
قلبت كيان البحر .
وعشقت الحواديت.
هيا عزيزه وانا مش يونس
انا قلبه الي نسيه في الحوت.

كلمات الشاعر
مصطفي البحر