بقلم … فاطمةعلام
البنت حلم المداحين للموعودين البنت خير
البنت حضن بتسحبك لبحور حروفها بترسمك وتحِلِّلَك فاوعاك من السكة الحرام
البنت عاشقة ربها
تسجد تصلي فرضها
قافله عليها خدرها
البنت محتاجة السلام وقلوب بيملاها الاماااان وعيون بتوعد بالوفا
وتحسها
وتضمها
وتجيب لها موعد لقا
مع شمسها
وساعتها احساس الدفا
يملا المكان
البنت نبع من الحناااان
البنت خدعتها العيون تعكس سذاجة قلبها
دايره تخايل ضلها
تنهش في طولها وعرضها
ترمي ف شباكها تشدها سحباها للسكة الشمال
البنت كت بستان زهوور
البنت بعيون المهاا مسحورة بوشوش البشر مش عارفه مين بيغشها
او مين يهد فى عشها
بدل أمانها وفرحها
البنت رووح
البنت أبسط حلمها
قوت العيال
واربع حيطان
وإيدين بتزرع حلمها
دافعه مقدم مهرها
تجري الأماني فى شطها
البنت غزلت شعرها لابن الحلال
البنت نووور
البنت كت شطين حنان
وبفعل فاعل من زمان
جفت منابع عزها
والظلم كان من حظها
والقذف كان بهتان وزوور
مابقاش خلاص بستان أمان
بيمد ضله لضلها
وف شرع كل القوادين البنت سلعة للي يدفع حقها أو يحسبوها
ع الشرف
ويقولوا لنا
البنت بوووووور
بقلم فاطمةعلام
Discussion about this post