بقلم … عوض درويش
مالك يا ـــــــ عقلي كده
فكرك ـــــــ تملي حزين
الناس ـــــ بتكتب كلام
بيسعد ــــــــــ الملايين
وانت عايل هم ألجولان
وحزين على فلسطين
هو انت جدك عمر ولا
ابوك ـــــــ صلاح الدين
ولاعمك ـــــــ فاتح عكه
او خالك فتح ـــ حطين
يا ريتك ـــ حتى متعلم
لكن امي من الجاهلين
ما تسيب الملك للمالك
وتهيص مع الهيصين
واتكتب ـ غنوه وطنيه
وتظهر مع ـــ الظاهرين
واسمك يجي ع الشاشه
وتقدر ــ تنشر الدواوين
وبدل الحزن و الشكوى
تتحصل على الملايين
وتركب ـــــ اغلى سياره
وتملك فيلا ف العالمين
وهتبقى من المشاهير
وهتوصل مع الوصلين
مالك انت بتعب الناس
وشكواهم وأمر الدين
الله عالم ـــــــ بشكواهم
وهو ارحم ــــ الراحمين
مع أرق تحياتي للجميع
بالحب والخير والسعادة
بقلم عوض درويش
Discussion about this post