كل اما قلبي يمد …

كلمات الشاعر … السيد عبدالفتاح

كل اما قلبي يمد ..
علشان يحصلها
ألاقيها تجري قوام
تتدارى ف كسوفها
وتركب اللينسيز
علشان ما تسحرنيش
وانا حلمي ديق ..
أصلا ما بيساعنيش
والأرض كت بتلف بيضاوي
زي عادتها
فضلت تدرمغني وكإني عادتها
لفت معايا دايرتين كاملين
وكإن صحرا ..
بس فيها كمين
أما القمر كان شكلة متداري
عامل خسوف من رمشها المسحور
والشمس ساعتها ..
كت نازلة ب كسوفها
كل اللي بيشوفها ..
بيموت من الخضة
وانا قلبي كان صدا
حاولت اقرب منها لكن ..
حلمي اليتيم صحي
والشمس خبتها

كلمات الشاعر
السيد عبدالفتاح