قلبي المعز …

كلمات الشاعر … مصطفي البحر

قلبي المعز
بقى شارع وناصيه
وأمِه وحوادايه.
والقاضي راضي بوجعي وبكايه .
خان الخليلي شاورلي ع الجامع .
لقيت الغوريه بتدور ورايا .
جبل الدراسه فتحلي دراعاته
شق قلب الوجع من كتر دقاته
سيدنا المجاور بسمل وتلا.
لم الخلاواتيه.
دقو الكفوف في الخلا
وباتو في الطل معايا …
قلبي المعز .
بقى شارع وناصيه
وأمِه وحودايه ….
ياسيده يا منجده
يا ام العواجز .
انا قلبي. عاجز .وقادر
وممكن. وجايز.
وعايز ومش عايز
سلفنى جناحك ياحمام.
وانا اطير واعدي الحواجز .
واخطف من عين حببتي .
دمعه قادره ومعربده.
وألملم الجرح الي نازز
ياسيده يا منجده
في ليله ارتحال الوحي .
بيتهيأ ويتجمل.ويستنى.
بركه لقا العزايز .
امانه عليكي.
لا توشوشي الملاكوت.
وتلمي كل الوناسات
و تخشي جوايا .
قلبي المعز .
بقى شارع وناصيه
وأمِه وحوادايه..

كلمات الشاعر
مصطفي البحر