كلمات الشاعر … طاهر الشيخ
تشوف الناس ضحكتنا
تحسدنا علي الفرحه
ولا يعرفوش ان الهموم
شجره ف القلوب طارحه
يا ناس عنيكوا صابتنا
هدت فرحنا وبيتنا
عشان ربنا سبونا
كفايا علينا فُرقتنا
بنضحك بس من برا
وشاربين المر ميت مره
شيفنا بس ف الحلوه
ونسينا ليه ف المُره
حاسدينا حتي علي هدومنا
ماتيجوا تحسدوا همومنا
تعبنا وربنا وقولنا
منكم لله
بنداري دموعنا بالضحكه
وعنينا برضو فضحانا
دا العمر والحياه رحله
سيبونا نعشها ب سلاما
قلوبكم ليه ما فيها خير
بقينا من بعضنا بنغير
وشوش كدابه مش صافيه
وشوش بتعشق التغيير
وشوش تضحك
قلوب سودا
وشوش كدابه
ع الموضه
……
كلمات الشاعر
✍️ طاهر الشيخ
Discussion about this post