يا وجع القلب …

كلمات … الشاعر محمد العربى

يا قطر العمر يا معدّى
سنين بتروح و بتعدّى
بتاخد منّنا الغاليين
لا بتشاور ولا تهدّى
وديما تيجى ع المجاريح
وم بترحمش قلب جريح
معدّى علينا زىّ الريح
بتخطف روحنا وتعدّى
يا وجع القلب ع الفرقه
يا نار البعد والحرقه
أموت أو اعيش ماهيش فارقه
يا دنيا عذاب وبتعاندى
م شفتش فيكى يوم راحه
شربت المرّ برّاحه
م كل الخلق مرتاحه
وتعبانى أنا لواحدى
يا سارقه الفرحه من عينى
وسايبه دموع بتكوينى
مافيش ولا يوم بترضينى
يا تهدى علييا يا تهدّى
يا قطر العمر يا معدّى

. كلمات
الشاعر محمد العربى