كلمات الشاعر … حماده عركز
بتسأل ليه
عن قلبي إللى ياما اشتاق
هقولك ايه
اكيد ميت بعاد وفراق
ويخساره حلمت اني ف حضنك اعيش
………………………………….
متسالنيش
لان الحزن من قبلك
ميعرفنيش
ويوم ما وقعت ف شباكك
مخلتنيس
اشوف اني هنا ف قربك
سازاجة وطيش
ويوم ما فوقت من حلمي
ذبحت انت ومتسميش
…………………………………. …………………
بعدت سنين
وجاي دلوقت تسألني
اشوفك فين
انا شايفك هنا ف قلبي
وقلبي حزين
على عمري إللى ضيعته
سنين وسنين
ف كدبة حب وخداعك
ف قلبي يعيش
…………………………………….. ….
روح ابعد عني وإنساني
متسالنيش
لأنك أنت م الأول
محستنيش
ياريت قلبي مكان حبك
ولا لحظة ف قربك اعيش
……………………………………
يا ريتك يوم
تدوق طعم العزاب ف النوم
يسيل دمع مخداتك
ك بحر هموم
يبات فيك الأمل تصحي
كأنه مفيش
………………………………………..
بتسأل ليه
عن قلبي إللى ياما اشتاق
هقولك ايه
اكيد ميت بعاد وفراق
ويخساره حلمت اني ف حضنك اعيش
متسالنيش
……………………………………..
كلمات الشاعر
حماده عركز
Discussion about this post