زى مين قوليلى انت زى مين

كلمات الشاعر … خالد عبدالمعطى

زى مين
قوليلى انت زى مين..
..
يالى قلبك
غير قلوب العاشقين..
..
نمشى الطريق و قلوبنا
فيه متجمعه
نفس الطريق نرجعه متفرقين..
..
ليه عيونك فى الطريق
قابلت عيونى..
..
يالى حبيتك بعقلى
و بجنونى..
..
ليه كلامك عاش فى قلبي
و غنوتك سكنت سكونى..
..
ليه قابلتك ليه وعدتى
ليه عشقنك ليه تخونى..
..
فين كلامك فين عهودك
و انت فين..
..
يالى قلبك
غير قلوب العاشقين..
..
زى مين
فى الحب انت..
..
يالى حبك اتولد
فى يوم ما خنتى..
..
يا ريت يا قلبي كنت قاسى
ياريتك انت فى يوم ما كنتى..
..
ليه يا صدفه بتجمعينا
و تلعبى باوتار قلوبنا..
..
و ترجعى و تفرقينا
و ترسمى سكة عذابنا..
..
هو ده المكتوب علينا
حزننا و حيرة شبابنا..
..
و لا يا صدفه كتير علينا
ان الامل يدق بابنا..
..
ليه الصدفه اختارتنا
و احنا فى وسط المفارق..
..
نفس اليوم اللى فيه بنعشق
هو برضوا فيه نفارق..
..
مش كتير فى لحظه واحده
تفرح عيونا
و ف دموعنا القلب غارق..
..
رجعيها يا صدفه تانى
رجعيها..
..
مش كفايه عمر و انت
بتخدعينى و تخدعيها..
..
و اما القلوب اتجمعت
ليه فى لحظه
ترجعى و تفرقيها..
..
عايز اقرب منها اكتر
و اروى قلبى بنور عنيها..
..
عايز اجرب مره فرحه
بس نفسى تكمليها..
..
مش كفايه انى اشوفها
و نفترق تانى فى ثوانى..
..
مش كفايه عايز احب
و عيونها اعرف مكانى..
..
جمعينا يا صدفه صدفه
حققى لينا الامانى..

كلمات الشاعر
خالد عبدالمعطى