كـمــيــن …

شعر / سعاد سعد

قلبك دا صالة وغرفتين
يا دوب سكنته جمعتين
بتلاغي فيا وتترسم
حبك دا خاية وكان كمين

فاتح الريسبشن ع الجيران
بقى كل همك عِندنا
وتقول دا انا محتاج حنان
فاكر زمان اما هواك كان عندنا

القلب حسِك حبتين .. بطل غنا
لوعت قلبي بتخدعوا من كام سنه
من غير وداع ماشية وسايبة سكتك
نسيتني كل الأزمنه وهجرت فيك الأمكنه

والقصة دي بالمختصر
إن طال غرامنا او قصر
راح تنتهي …. بتقولي ليه ؟!
رجع لي قلبي اللي انكسر

رجع لي عمري والحنين
والحب لونه اخضر جنين
لون على جدار السنين
قلبين فرايحي ممرمرين

قلبك زمان كان طوق نجاه
ياللي الوداد من قسوتك كان طير وتاه
مستنياك تصحي حلمي اللي اندفن
فك الكفن وادي الحياه قبلة حياه