كلمات الشاعرة … شيماء العشرى
ياااااااااه
غلبت معاه
وعهد الله
مهوش ناوي يجيبها البر
اجيبه شمال يجبني يمين
وانا اتعصب يقول مضطر
مجريني ورا قلبه ٢٠٠ مشوار
اقول طوبه يقولي آدار
يكون مسحور؟
وصابه الدور؟
خلاص هعمله كوديه زار
ياعم الدنيا ايه مالك
يقول مشغول
تملي بقول
ومبملش
وجرحي كبير مبيلمش
وشوقي يزيد مبيقلش
لكني خلاص
معدش لا صبر ولا طاقه
معدش جمل ولا ناقه
انا ماشيه وقافله الباب
بلاه العشق وسنينه
كفايا عذاب
انا عارفه انه مش خاين
وغصبن عنه مش فاضي
بقيت فجأه
انا الشكوى
انا السجان
انا القاضي
كلمات الشاعرة
شيماء العشرى
Discussion about this post