وحشتينى …

كلمات الشاعرة … مروة أحمد طليس

واحشنى كل شيئ فيكى
واحشنى الفرحه فى عيونك
واحشنى لفهتك لما
تحسى الدمعه ف عيونى
واحشنى قلبك الطيب
واحشنى ….أما بجرى عليكى
و ادارا ف أحضانك ..تضمينى
وحشتينى
ولما الكون يضيق بيا
بلم همومى وتلفع بدعواتك
ألاقى أمانى فى عنيكى
وحشتينى
ياشمسى الغايبه عن حلمى
ياوردة خير ف بستانى
صحيح دبلت
لكن عبيرها جوا الروح
بيخضر ف أغصانى
وحشتينى
ولسه القلب بيعافر …
ومش قادر على بعادك
وبحلم كل يوم بيكى
يا أمى يانبض عشق الروح
وحشتينى
ومنى يا أمى بهديكى
دعوة من قلبى توصلك
تضمك جوا نور قبرك
يافرحة فى قلبى مكسوره
ونور الدنيا بعديكى
مجرد رسمه على صورة
يا سكنه جوا نبضاتى
وفرحى وحزنى وسكاتى
سنين عدت ولا نسيتك
ولا عمرى ف يوم هنسى
ياحضن وتهت من بعده
نسيت الفرحه بعديكى
وروحى يا أمى فارقتى
وسبقتى راحت ليكى
ونبض القلب مش عايش
يدوب بيدق ع الهامش
عشان فى الأصل دقاته
كانت ليكى
يا أمى يا نبض عشق الروح
وحشتينى

كلمات الشاعرة
مروة أحمد طليس