المليجي يسرق الكاميرا…!!

تقول مارلين منرو الشرق الفنانة هند رستم عن الأستاذ العملاق محمود المليجي :

● « انا كنت بخاف منه جدا على الرغم من أنه كان قلبه طيب اوي حقيقي وبسيط جدا ومتواضع إلى أبعد الحدود، بس مكنتش أجرؤ على أن أتباسط معه أو اناديه باسمه ابدا ، كنت بعمل له حساب لأنه غول تمثيل . يقدر يخطف منك الكاميرا حتى لو متكلمش خالص ،

○ في مرة كنا بنصور فيلمي اللي بجبه انا اوي اسمه
” رحمه من السماء ” اخراج عباس كامل ، كانت تعليمات المخرج انه المفروض بيقنعني ان انا افهم الطفلة لن انا والدتها وأنا أتكلم معاه بعد كده وهو يسمع من غير ما يرد ، ففوجئت بالأستاذ محمود بيقطف وردة من فازة كانت جنب السرير وبيقطع أوراقها بطريقة جذابة “وده مش موجود في الرواية ” ، فهمت علي طول انه بيمارس لعبته المفضلة فى خطف الكاميرا، وبسرعة جريت ناحيته وخطفت الوردة من ايده، وقلت جملة خارج النص:

” لما اتكلم تسمعنى ” ، وكملت بقية الحوار الموجود فى السيناريو، وسرقت أنا منه الكاميرا، ولما انتهى المشهد جريت منه بسرعة رايحة اوضتي خايفة جدا، وفوجئت به يجري ورايا ويزعق : أقفى يا هند.. هتقفى يعنى هتقفى، حسيت بالرعب فوقفت وقرب منى، وفوجئت به يقبلنى على رأسى وهو يقول فى منتهي الرفق :
” برافو يا هند.. عجبتينى.. لأنك صاحية للى قدامك ”
اسرنى بجد بهذا شعوره الإنسانى الذى لا يصدر إلا عن عملاق واثق بنفسه».

رحم الله الزمن الجميل – العملاق محمود المليجي والفنانة القديرة هند رستم 🤍