بقلم الشاعرة … منى البابوري
لو سمحت ممكن صورة ..
قبل ما يعدي النهردة
و ما نعرفش في ايه بكرة
ممكن صورة مع بعض
عشان تبقى احلى ذكرى
فيها ضحكة من القلب تكون
و فرح مالي احلى عيون
و ابقى خبي الصورة عندك
و وعد مني هحفظها و اصون
لو سمحت ممكن صورة
تبقى ع الجدار محفورة
في ذاكرتك و جو منك
و لو كانت حتى مكسورة
صورة تفتكرني بيها
تقول دي كانت حلوة عنيها
و كنت عاشق تملي فيها
موافق طبعا طالما انت فيها
طبعا هبقى كتير مبسوطه
و لو احوالي مش مظبوطة
المهم عندي الصورة تفضل
و افرح و لو كانت الفرحة زغنطوطة
Discussion about this post