من غير ما ح أستأذنك …

كلمات الشاعر الإعلامى … عاطف عبد الحميد

من غير ما ح أستاذنك. ..انا بنسحب بهدوء!!
لا انا حبى بيطمنك. ..و لا عمري بيكى يروق!!

الغلطه مش غلطتك…انا بعترف بيها!
انا اللى جيت سكتك. .و مشيت خطاويها
يعنى دخولى ف حياتك..زى الخروج بالظبط!
و كلامى يشبه سكاتك…و الكلمه ناسيها!
………..

ايه يعني لما أعشقك. ..ولا أدوب تانى؟
لو تسكتي و اسمعك….غنوه بألحانى؟!
و انتى شعور واضح…قلبك على كيفك
و انا لسه ف امبارح. ..لو كنتى حسانى!!!
………..

ما اقدرش اقولك غلط…لو حتى شاطبانى!
أنا بالألم مرتبط….و حروفه واجعانى!
لكن انا بشكرك…على وهم عايش فيه!
و تملى ح استنظرك…نفسى اتوجع تانى!
……………
كلمات الشاعر

الاعلامى عاطف عبد الحميد