كلمات الشاعر … وائل رشوان
بـ تنفسك
وفـ كل شهقه تخش صدري تُشقها
بًتلمسك وادهن عسل
واسمع ضلوعي بتنكسر مع طقطقة صوت الحنين
وارجع ف خط السير ندم
مكسور حزين ياادي الوجع
ياادي الجدع
عايشك سكات
مجبور سكوت علي ده الوجع
وبيكتبك شعر في غزل
بين السطور وبيوصفك
جامع حروفك م الالم
وبيسألك !!
*بتحبني*… دي حروف سؤال ؟؟؟
ولا ده وصفك للعدم
وانا مش عدم
تشهد علينا ضمتك يوم اللقا
تشهد غيوم الليل ف عينك والقمر
تشهد عليا شابٍٍتك وانتي القدم فوق القدم و بتحضني
كان رد فعلك وقتها نََفسين ودابوا ف شفتي وبتنكري ؟!
طب فسري !!
ازاي وريحة معصمك فوق الهدوم متثبته
بصمات ايديك علي الكتاف
حوالين رقابتي معلمه
وحياة شفايفك والايدين المرعوشين
لسه البلل علي شفتي
لسه الاثار فوق الرمال اسامينا مكتوبه بصخور
وزمانا اهو عمال يدور حوالينا دايره ومفرغه
وانتي اللي ليا بتنكري ؟!
لسه المكان نفس المكان
نفسي ونفسك واللي كان
وانتٍ اللي جايه بتسألي * بتحبني* ؟!!
Discussion about this post