الشاعره … شيماء محمد
ياقبر مفيهوش ظلم وحقد
خدنى ليك تحت ترابك
وإرحم قلب حب بجد
أربع حيطان من ضيقتهم
حاسة بأمان نازل من السما
بعيد عن بشر محاوطهم شر نفوسهم
مرارة ليل بتقسى بأهات النهار
دمع العيون سارى
حتى فى لحظة منام
وأدارى إزاى بكائى وواصلة لأبعد نداء
بحتاج .. بعشق .. بحن .. لحنان مفقود
وأتارى القبر محاوطنى
ويندهلى بالنداءات
أضم لية وحدتى
وإنهيارى المستاء
ياقبر غارق فى ضلمة فرح
خدنى وإبعدنى عن ناسى
وإحوينى بترابك
شيماء محمد …
Discussion about this post