إطمئني.. للشاعرة عفاف أحمد التركى

إطمئني.. للشاعرة عفاف أحمد التركى

كلمات الشاعرةعفاف أحمد التركى

ما تخافيش لو خايفة منّي
السؤال اللي فـ عنيكي ..
كان بعيد عن حسن ظنّي
شفت صورته في نن عينك
لمّا كنت في،يوم باغنّي
اعلنِت..انّك..وانّي

إطمئني..

الحكاية مش غريبة
واسكريبت اللعبة عندي
اللي جنبي واللي ضدي
واللي كان ياخد ويدّي
فـ استعدّي..عن قٌريّب
نحتفل جمعاً..وعلني

اطمئني..

باعشقه من قبل ما اوعي
او حتي اعرف حاجه عنّه
من قبل ما يدِب فـ وريدي
وابقي اصغىر حتّه منه
ساعة اما كنت باحبي
قلت مممم.. وعرفت انّي

اطمئني
النصيب جلّاب وجايع
والوجع جلاّب مصايب
واللي قضّي حياته بايع
ما توجعوش كلمة حبايب
بس اكتر حاجه ..وجعت
لمّا شافني ..هربت منّي

اطمئني..

وطمني قلبك..وعينك
واكسري الحاجز ما بينّا
القدر لملم حزينك ..
جوّه غنوة ..تمر حنّة
واللي يخلَا باللي دابت
يبقي دا عين التجنّي

اطمئني

وزوّقي روحك ..بّـ قولي
النهاردة هزيمة جاحدة
بكرة نطلع ..بالبطولي
حبّه حبّة وواحدة واحدة
من امتي تاب عشقي ف هواه
او بطّل انه يحب يعني
اطمئني.؟؟؟؟؟؟؟؟؟
…………………………….
اطمئني

كلمات الشاعرة
عفاف أحمد التركى