مجدي

بقلم الشاعرة سميرة فتضل غانم
ما كتبتلو شي
سنتين عمرو ما وفا كمشة
وسنتين من عمر الطري
كل تكه بي خمشة

ما كتبتلو شي
يل عمرو بعدو ما وفا كمشه
ما لقيت جملة تناسب الكم شي
ل ضاعو بغيبة حظ بي رمشة
حظها بجنب الحِمِل … قشّة

ما كتبتلو شي
مدري التعب من حَمِلتو
تا ختيرو حروفي معي
وحَنْيِ الظهر مع مشيتو
خربط سطوري بمجمعي
حل الحبر
وابيض لونو بدفتري
من كتر مَ مْسحت الدمع بي إصبعي

كل القصايد سكرو بوابن زعل
معقول من تاني سنة تركت الغزل
قديش كان مجمّع بفكري حكي
للطفل يلّي زيّن بعمري الأمل

(تتين ) عمرو وما كتبتلو
وبإصبعينو الشمس بيدلو
لو كنت بقدر سعد بدِّلو
لا بيع روحي واشتري ظّلو

بيحرك كأنو نبض مستعجل
بيعجن حروفو بفكر متمهل
وعيون فيها من الشقاوة كون
بتحكي وتبكي وتضحك وتثمل

شو ما لبس متل المرج والزهر
تِمّو نْ حِكي بيقطر حلاوة قطر
ويا ضحكتو كرجة المي بنهر
قلبة الشفة بالحزن تسوى عمر

ما كتبتلو شي بيعيدو
محمول عم يرقص طفا شموعو
عم يضحك وفرحان بجديدو
هالروح تفدي سكبة دموعو
يا رب من عمر الهنا تزيدو
ما يعرف التنهيد بضلوعو