مشاكل فى كل بيت

.
الشاعره منال النبوى _ الشاعر ابراهيم شيمر

انا اصلى غنيه وبنت زوات
عندنا فى العزبه خمس عمارات
وغمزلى بعينه خطف قلبى
حبيته وعشت معاه فى حارات
اتاريه طمعان وبتاع حوارات
ونحسنى معاه الواد شلبى
منال النبوى

انا مش عايز منك حـاجه
النفسيه دى مش محـتاجـه
ليه الضحك فى شرعك عيب
ديماً مد ايديكى فى الجيب
والڪلـمه الحلـوه تشبعنى
لـڪن قلبك خاننى وباعنى
وانا ياحبيبتى قلبى وجعنى
من لعبة متسيب وانا اسيب
ابراهيم شيمر

يا بخيل وعنيد نستنى العيد
وحياتى معاك صبحت عاركه
ما انا كنت بعيد والقلب سعيد
والنيه السوء ليه مش سالكه
منال النبوى

ست الـغــدر فى طبعـها بان
قـال بيقـولـوا الست حـنان
اسهل حاجـه محضر شرطه
وتبـقى حـياتـك فى باتنجان
ابراهيم شيمر

مليت م العيشه وعايشينها
والحـاره اللى جنابك منـها
مليت من صوتـك وحياتك
مليت م الڪدب وحواراتك
وحاجات هرشينها وفهمنها
منال النبوى

صوتك عـالى فى قـلب الــدار
يالى ماليتى حياتنا مرار
كـــنت بـقــول حــبة حــنيه
و ردك كلـــه زعيق و اسيه
ياما حـــبيـتك وانــــتى صبيه
حتى كلامـك لو هتردى
صـوتــــك لــــم الـدنيا عـليه
اتهدى شـويه خلاص ياوليه
ابراهيم شيمر الجندي