أمل للي جاي ..

بقلم الشاعرة … منى البابوري

طير من غير جناحين
هيطير لفين و ازاي
مع ان عيونه كتير حلوين
لكن مشفش النور ضواي

يا طير علمني اطير
و وعد مني اخدك معاي
و مش زي ما وعدنا الغير
و خلى اثر وحش جواي

هتكون صديقي مسافة طريقي
و امل جميل للي جاي
و هكون عنيك جزء منك و فيك
و عمري ما اتغير مهما حصل وياي

هكون جناحاتك و عنيك البريئة
هكونلك دليل و ليك صديقة
و اكيد هنوصل باي طريقة
المهم تكون معاي يا بدايتي و منتهاي