الدولار جن …!!!

الشاعر … خالد موسى

الدولار جن وطارت الاسعار.
وين صارت نشرة الاخبار

والشعب صامت والحكم مرتاح.
والكل تارك هالبلد ينهار.

ما ضل في موظف ولافلاح
يقدر يكفي عيلته ولا نهار

والشارع اللي كان امضى سلاح
باعوا القضية ظلم للاشرار.

كل ما النسيم على بلدنا لاح
تا يشيلنا من عهدة الفجار.

بتتعرقل النسمات والارواح
بتصير تغلي عا حديد ونار.

مثل طير وطاير بلا جناح
برفرف وما بيقطع المهوار

يا ناس يا عالم ويا سواح
ايا حلول بعلمكم نختار

بلبنان عشنا والجميع ارتاح
لما انتمينا كلنا. للدار.

لا غرب يحكمنا ولا معنا سلاح.
مسلم مسيحي كلنا احرار.

نبني وطنا وفكرنا مرتاح
هيدي رسالة ربنا الجبار.

لما المحبة تكون النا جناح
ما في حدا بيناتنا بيندار.

يا شعب ليش بتنتخب سفاح
حاسب ضميرك حكم الافكار.

مستقبلك ولى ولا صلاح
تنقذ وطنا من طغاة الشر

من طغمة الحكام والتجار