( نداء حياة)
رسينى يازمانى على بر أمانى
فضحانى عنيا ومش فاصلانى
دنيا معايا واخدة أمالى
بعتها حُب ودارت كُرهة
حتى حنينى غلبُة أهاتى
وإتمنيت ساعة تدور حول حياتى
واقفة فى دايرة وسط طريقى حرقة نار
قايدة شموعى بتفصل منى شعاعها رماد
شادة رحيلى وأندة عالى وصوتى مبحوح
لية ياندائى تواسى بُوحى بجرح عنيد
بحر حزاينى مالى شكوايا مذلة رجوع
وطال العمر وأنا بتحدى أى هجوم
طارحة شجرتى فروع بهتانة غدر زمان
لما بعاتب بعتب حتى وأنا حيرانة بحس جديد
عمرى ما أفكر تانى أَحن
لدنيا واقفة معايا حوارات
باهتة صورى وناسها وشوشها مش فارقين
نادى ياقلبى وشوف أشواقى بتندة لية
قلت أقرر أنهى حياتى وأعزل نفسى لذكرى بعيد
وحدة ساكنة جوة سكوتى
راحة بال …
الشاعرة والكاتبة شيماء محمد حامد
نداء حياة بقلم الشاعرة شيماء محمد حامد
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post