صراع …..

كلمات الشاعر
المهندس / إسماعيل منصور

الكلام مني تايه
واقف علي اللسان وحاير
المعاني منه ضايعه
والحروف منه ناقصه
عاجز يميز
بين العدو وبين الحبيب
بين الغريب وبين القريب
حتي الصديق
مش فاكر منه إسمه
.. الخلاصة
ضاع مني كل شيء
الإحساس والمشاعر
الخوف بقي زي الأمان
كله في الآخر سيان
.. العقل
شايف وساكت
يبتسم
وفي القلب شامت
يفتكر له كلمة وشعار
الإنسان هو المشاعر
ووصفها هو الكلام
.. والقلب
صامت حزين
والندم
بقي له قرين
.. وأنا محتار
حاسس بالضياع
العقل والقلب في صراع
وحتي إسمي
ضاع
وسط الصراع