دنيــــــــــا

بقلم الشاعر محمدالمصري

أحبس يلَّا يا واد أنفاسك..
قبل ما تغلى يا غالي عليك
اقتل حتى كمان إحساسك؛
داوي ف جرح تملِّي شاريك
أصل الوحل ف يوم لو عاصك..
صعب تطهّر منه إيديك
وانت يا راضي، أيه احساسك..
لو ما تشوفش النور بعنيك؟!
وانت يا صابر، صبّر قلبك..
ع اللي بيجرى من حواليك
وانت يا حامد، أحمد ربّك..
شوف مين قبلىٰ هيبكي عليك
وانت يا شايف نفسك شايف،
شوفلنا بلوة من بلاويك
تعدل بيها الكف المايل،
يبقى _ساعتها_ شكرًا ليك
وانت يا بيت، قبل ما يبْنوك،
شوف مين قَبلىٰ هيسكن فيك!
أهل البيت لو جُم و سابوك..
قوللي.. مين راح يفرح بيك؟!
أصل حبايبك لو يعادوك..
راح يتقلبوا أعدىٰ ما ليك
و اللي تبيعهم، راح يبيعوك
دنيا وفانيه و مش تمليك
عمّر و ابني في كل مكان،
و ازرع جنة من حواليك
و إياك تنسى إن أنا إنسان..
ليّا حقوق أنا والله عليك
صعب يكون في الجنة مكان..
للّي يسلم قلبه إليك
ولا الخير ده مالوش عنوان..
دايماً أمره ملك إيديك.
الشاعر محمدالمصري،..