بقلم : رفيق بالرزاقة /تونس 🇹🇳
نابل عاصمة الوطن القبلي عز البلدان.
معروفة بنيابوليس من عهد الرومان.
بلادي مسمية في تونس جملية.
مشهورة بالعالمية في إفريقية.
و المنطقة المغاربية و الدول اﻷوروبية.
و الدول المشرقية و الخليجية.
و معاهم أمريكا الشمالية و اﻻتينية.
و زيدهم أستراليا و القارة اﻵسوية.
نابل عز البلدان العربية و تونس جملية.
مشهورة بعاصمة الصناعات التقليدية.
فاقت شهرتها بلاد حمورابي بابل.
و تعرفت بإنتاج القوارص و جميع التوابل.
و الجرة رمز المدينة و جوها ديما حافل.
ما أحلى شطك يا درة المتوسط يا نابل.
تغنى بجمالك و دﻻلك و زين بناتك القنابل.
بهريستها و فلفلها الحار تشهرت في كل اﻷمصار
و زهرها و توابلها تلقاها في كل دار.
جناينها و شوارعها مزروع فيها اﻷرنج و النوار.
ولاية نابل البهية عاصمة الصناعات التقليدية.
آل الخراز و الصيد و القرقني و بن عربية.
و معاهم الشلي و المجدوب من الحقبة الفرنسية
معروفين بحذقهم للصناعات الفخارية.
و ما يقدهم حد في الفنون الحرفية.
و بكلهم الله يبارك معلمية في الفنون الخزفية.
في حومة قبلة و اﻷحواز تجمعوا الجرايبية.
و في غار الطفل و بجنب الطريق الحزامية.
تبنات الجرايب و السفلالي
و اﻷفران البدائية.
في المساجد و المنازل و مقر المعتمدية.
ﻻزم يتفنن كبار البنايا و باش المعلمية.
و يزوقوا الجدران بأجمل اللوحات الفسيفسائية.
المرسومة و المنقوشة باﻷشكال البهية.
و يا محلى ألوانها الخضراء
و البرتقالية.
و ما يستغناوش التوانسة
و الدزيرية.
و الليبية و إخواننا من اﻷمة العربية.
على الحلاب و الجرة و المزهرية.
و الصحافي و القلال و الدرابك
و حتى الصندرية.
يا محلاك و يا ما أبنك يا نابل
يا فخر صناعتنا التقليدية…
تاريخك عريق و فنك دقيق من عهد الحضارة اﻷندلسية…
و قبلها البيزنطية و الحضارة العثمانية.
و البربرية و الرومانية و اﻹغريقية.
و الفينيقية و البونية و القرطاجية.
و العربية و اﻹسلامية و التركية.
و الحفصية و الفاطمية و الحسينية…
و نزيدها اليهودية و اﻹيطالية و المالطية.
و نختمها بالحماية الفرنسية اﻹستعمارية.
تلاقح الحضارات كون منك يا نابل أجمل
لوحة فسيفسائية جميلة و فنية.
نابل يا نابل راك بﻻدي العزيزة علي.
و بجاه رب البرية ﻻ يشويني فيك يا ممو عيني.
يا جنة تونس يا نابل إنت فخر الصناعات التقليدية
إنت تاج مرصع على رأس كل نابلي و نابلية.
و نيشان ياقوت مرشوق على صدر كل تونسي و تونسية
Discussion about this post